Ҳуқуқи манзили Ҷумҳурии Тоҷикистон

Манзил яке аз ниёзҳои бунёдии инсон ба шумор меравад, ки ба он натанҳо худи инсон балки, давлат ва ҷомеа низ диққати махсус зоҳир менамоянд. Таъминот бо манзили кофӣ ба сифати яке аз талабҳои асосии қонунии инсон баррасӣ мешавад. Бе таъмини манзил дар бораи риояи ҳуқуқҳои инсон чизе гуфтан душвор аст. Мувофиқи маълумоти Созмони Милали Муттаҳид дар бораи мавзеъҳои аҳолинишин беш аз 1 миллиард аҳолии рӯйи Замин манзили кофӣ надоранд ва зиёда аз 100 миллион одам дар шароитҳое зиндагӣ мекунанд, ки онҳоро ба категорияи одамони бехона мансуб донистан зарур аст.